【Emily】民署18區設支援站 助填北上健康申報

【明報專訊】香港同內地周一（6日）起恢復全面通關，市民入境內地時仍要喺網上做健康申報，拎住個「黑碼」先可以過關，但就難倒唔少長者同埋唔熟悉科技嘅市民。民政事務總署噚日話已經喺18區民政諮詢中心設立支援站，各區民政處亦動員埋地區朋友同團體擺街站，一齊幫有需要嘅市民填健康申報。民政總署亦呼籲市民幫吓身邊打算北上嘅親友填表。民青局長麥美娟喺社交平台轉發信息，話「民政幫緊你幫緊你」，仲標籤話「我啲同事真係好正」，感謝同事幫手。