【Emily】報名做共創明Teen導師 顏汶羽話學員無興趣從政

【明報專訊】政府推出嘅「共創明『Teen』」計劃已經開展咗3個幾月，其中民建聯立法會議員顏汶羽都有報名成為導師。顏汶羽噚日喺facebook分享同學員見面過程，提到學員近日嚟到佢喺立法會大樓嘅辦事處參觀同傾偈，發現佢哋對從政興趣不大，反而希望從事醫護行業，仲諗住報名上急救同英文課程，並形容學員係一個目標清晰嘅中學生。佢話之後會和學員一齊到私家診所同安老院舍體驗醫護工作，了解行業情况同職業路向，希望幫到學員做好個人發展規劃。