【Emily】遊日遇限飛 林健鋒呻旺季改票好貴

【明報專訊】農曆新年假唔少人都出遊，經民聯林健鋒（商界一）、吳永嘉（工業界二）去咗日本，梁美芬去咗河北唐山。林健鋒話，遲少少就會去大灣區，因為佛山當地朋友好耐之前已經邀請佢去傾合作項目，但因為新冠疫情一直去唔到。講番去日本，林健鋒、吳永嘉都呻旺季嘅機票好貴，而林健鋒其實好早之前訂咗機票，但因為早前日本突然實施限飛令，佢要先取消機票，其後再改訂航班，機票價即貴咗一大截。