【Emily】聶德權讚《給十九歲的我》引發共鳴

【明報專訊】張婉婷執導嘅紀錄片《給十九歲的我》，記錄咗英華女學校6個學生嘅成長故事，日前奪得香港電影評論學會最佳電影大獎，喺坊間有不少好評。中大逸夫書院前晚搞咗個電影放映會兼導演座談會，公務員事務局前局長聶德權都有出席，佢噚日喺社交平台讚電影嘅內容，無論係關於教育制度、校長老師嘅愛心教導、6個同學嘅經歷同成長、各種錯綜複雜嘅家庭關係，以至社會動盪變遷對佢哋嘅影響等，都能牽動情緒同引發共鳴。