【Emily】環境局2022治鼠成績表 設夜間治鼠隊後 活鼠捉多57%

【明報專訊】捉老鼠係今屆政府其中一樣目標工作，噚日就公布最新成績表。環境及生態局發表2022年防治鼠患工作回顧，提到食環署舊年下半年清理咗總共42,114隻死鼠同活鼠，較上半年多約20%。局方話舊年7月​​食環署成立19隊夜間防治鼠患流動隊之後，捉到嘅活鼠數目顯著增加，舊年下半年捉到27,728隻，較上半年多約57%。街市同小販排檔一向多老鼠，食環署舊年8月至12月喺公眾街市清理到總共8026隻死鼠同活鼠，較前年同期增加約56%。