【Emily】見報主題不離「政治組織」 有議員變咗娛圈人？

【明報專訊】Emily透過慧科新聞網做咗個2022年立法會議員曝光率統計，發現大部分人見報嘅熱門主題都係同「香港政治組織/團體」有關。根據搜尋結果，Emily發現工聯會陳穎欣、民建聯李世榮嘅「熱門報導排行」，其名字竟然有喺娛樂新聞出現，10篇當中陳穎欣有兩篇、李世榮有4篇；翻查報道發現原來因為撞名，其中《試當真》成員Yanny嘅中文名叫陳穎欣，韓國有個女演員叫李世榮。