【Emily】多間大學舉行元旦升旗禮

【明報專訊】現時大學需每日升掛國旗、每周及特別日子舉行升旗禮，噚日多間院校都搞元旦升旗。中大話，舉行元旦日升旗儀式迎接新一年，並於校網發放片段及相片。儀式早上10點半開始，約100名嘉賓出席，包括大學校董會主席查逸超、校董會成員、管理層、書院及學院代表，以及大學師生同校友，不過就未提及校長段崇智出席。中大喺去年國慶日、9月5日開學日，都有喺校網發布升旗儀式嘅稿同相片。