【Emily】迪拜遇巴西重炮卡路士 阿根廷躉林振昇打卡

【明報專訊】唔少市民趁聖誕新年假期外遊，其中勞聯立法會議員林振昇（右）早前到阿聯酋廸拜旅行，巧遇已退役嘅巴西球星羅拔圖卡路士（左），仲同對方合照留念。不過，本身係阿根廷球迷嘅林振昇當時著住阿根廷球衣搵卡路士合照，卡路士似乎唔太介意，態度非常友善。佢又話，見到卡路士，令佢憶起對方效力巴西國家隊時多場精彩表現。卡路士球員年代係著名嘅左腳重炮，幫巴西攞過世界盃冠軍，亦打過皇馬等大球會，喺2012年退役。