歌迷贈「我最喜愛男歌手」獎 張敬軒：聖誕流流送個紙紮畀我

【明報專訊】張敬軒（軒仔）前晚在會展舉行第3場演唱會，在台上率先獲歌迷頒贈「我最喜愛男歌手」獎。前晚觀眾反應熱烈，軒仔先後三度encore。軒仔先唱了《預言書》講再見，場館開燈，但歌迷不肯走，狂叫5分鐘，他再出場唱歌，歌迷跑到台邊圍着他。軒仔笑說：「我先要多謝會展，佢哋剛同我講，話我再出來都可以，唔加收我費用。你哋咁樣無限encore，你知唔知上次演唱會後，我已經畀行家、歌手，連掃地個姐姐都鬧，話我做壞規矩。」