【Emily】換新鈔過年 月底可預約

【明報專訊】下個月22號就係大年初一，唔少市民都想換定新銀紙封利市過年，匯豐、渣打同中國銀行3間發鈔銀行將喺下月5至21號提供換新鈔同「迎新鈔」（即雖舊仍簇新嘅鈔票）畀市民兌換。市民今個月31號起，可以喺3間銀行嘅手機程式或網頁預約。金管局提醒，市民毋須趕喺服務頭幾日去銀行，銀行會確保換鈔服務期間新鈔及「迎新鈔」嘅供應。