【Emily】無搞3年 周日復辦 單車節5000人踩 要核酸加快測

【明報專訊】已經無搞3年嘅「香港單車節」喺嚟緊嘅星期日（18日）舉行，約5000人參加，超過2000人係第一次落場玩。雖然政府取消咗「安心出行」，但參加者都要打齊3針新冠疫苗、符合「藍碼」要求，仲要按要求做齊核酸檢測同快速檢測。參加者先要喺今個周五、周六嘅指定時段內，到中環9號碼頭或尖沙嘴文化中心露天廣場做核酸檢測，到時拎埋選手包，入面有單車衫、活動手帶同快速檢測包等物資，單車節當日要出示12個鐘頭內嘅快測陰性結果，踩單車前後都要戴番好口罩。