【Emily】曾俊華睇《過時．過節》 嘆「香港縮影」

【明報專訊】前財政司長曾俊華近期頻頻有感而發，噚日喺facebook分享日前睇咗由呂爵安同毛舜筠主演嘅《過時．過節》以及《黑豹2》，提到兩套電影不約而同講及寬恕。佢尤其喜歡前者細緻描寫家庭成員之間嘅關係、衝突、矛盾，又話電影中家庭嘅糾紛，「何嘗唔係香港社會嘅縮影呢？」佢慨嘆社會好多問題同矛盾，如果大家願意正面處理，一齊搵解決方法，好多問題就唔會發生，亦唔會出現今時今日嘅局面，不過世界冇「如果」呢回事，只能面對現實。