【Emily】動感社區計劃 提供唔同年齡運動堂

【明報專訊】各區民政處及地區團體喺周末搞地區活動。一批精英運動員噚日同官員去觀塘推廣體育，呼籲居民多做運動，畀街坊體驗各種新型運動，包括地壺球、匹克球、圓網球，參加者亦可玩吓空手道踢板等。空手道運動員李振豪、羽毛球葉姵延、劍擊連寶香及跳高楊文蔚分享做運動員嘅點滴及示範。觀塘民政處就話明年第一季，區議會會開展「精英運動員慈善基金賽馬會動感社區計劃」，為唔同年齡階層市民提供各類型運動課堂，希望新冠疫下大家仍能夠開心做吓運動。