【Emily】6月染新冠 諗起長遠身體變化 譚sir隔離期間決定退下人代

【明報專訊】72歲嘅全國人大常委譚耀宗（譚sir，圖）唔尋求連任，話係出於年齡考慮；噚日佢接受商台《在晴朗的一天出發》訪問時透露，佢喺6月30日確診新冠病毒後，7月有一個多星期留喺屋企隔離，其間有時間思考尋求連任問題，覺得應該留機會畀其他人擔任人大常委一職。譚sir擔心，若果佢連任多5年，其間身體有咩變化，負擔唔到會好麻煩，因為人大常委會無補選機制，唔可以請辭再搵另一個人補上，到時常委會就無咗個香港代表，但佢強調?家身體係無問題嘅。