【Emily】去年回收「四電一腦」 洗衣機雪櫃最多

【明報專訊】政府喺2018年開始實施「廢電器電子產品生產者責任計劃」，市民買「四電一腦」時，銷售商要收走同類嘅舊電器，或者打去回收熱線預約上門回收或送去各區嘅「綠在區區」，而全部舊「四電一腦」會送到屯門環保園嘅WEEE‧PARK。公務員事務局噚日喺facebook引述環保署高級環境保護主任黃曉靈話，回收熱線平均每個月收到7000個回收預約，而WEEE‧PARK至今處理咗超過9萬公噸舊「四電一腦」，單喺上年已有近2.4萬公噸，當中以洗衣機同雪櫃佔最多。