【Emily】陳琬琛po走失鸚鵡 幾粒鐘搵番主人

【明報專訊】荃灣區議會主席陳琬琛噚日朝早喺facebook出post幫鸚鵡搵主人，唔使一個晏晝，就將梨木樹邨街坊唔見咗嘅鸚鵡送返身邊。事緣鸚鵡主人嘅屋企人早兩日唔小心開咗雀籠令鸚鵡飛咗出去，有個同邨後生仔喺垃圾站發現呢隻鸚鵡仔，佢噚日一朝早就送咗鸚鵡去議辦，睇睇陳琬琛幫唔幫到鸚鵡搵返主人。結果朝早個post出咗無耐，鸚鵡主人就主動聯絡陳琬琛，仲傳番鸚鵡仔以前啲相畀陳琬琛做證明，晏晝就帶鸚鵡返屋企喇。