【Emily】司機電鋸拆車鎖 有人話得不償失

【明報專訊】沙田第一城一向以管理員鎖車快而「聞名」。近日流傳一段短片，一名司機違泊被人鎖車後，用工具鋸開車鎖，開鎖時仲火花四濺，網民話地點疑似係第一城。原來，第一城嘅管理公司鎖車及開鎖收費，成為屋苑一大收入，據業主提供畀Emily嘅第一城管理公司2022年財政預算，「鎖車收入」預算有190萬元，收入高過泳池入場費。網上近日流傳一份未經求證嘅管理公司2023年財政預算，「鎖車收入」暫估為130萬元。