【Emily】鄧炳強訪新廣播處長

【明報專訊】新任廣播處長張國財（Eddie）上個月初履新，近排佢接受保安局長鄧炳強訪問，先嚟「快問快答」熱身，問到2019年被派駐比利時擔任香港駐歐洲聯盟特派代表嘅Eddie，喺歐洲最掛住香港啲乜嘢，Eddie快快口話最掛住「男人……」，片段停一停兼加咗啲烏鴉圖案特效，原來Eddie最掛住嘅係「男人的浪漫」，即係豆腐火腩飯呀！至於最鍾意邊個港台節目主持人，Eddie身為廣播處長就話會得罪好多人，所以唔答喇。