【Emily】陳克勤問政府 兩電買唔買俄能源 謝展寰：另闢貨源徒增燃料費

【明報專訊】俄烏戰爭導致國際油價大升，本港兩電嘅燃料調整費亦已連續多個月上調，未到明年1月1日，變相已加咗電費。民建聯立法會議員陳克勤噚日喺立法會大會提出質詢，話據報俄羅斯原油近月以七五折優惠價出售，問政府知唔知兩電會否考慮向俄羅斯採購能源，以降低電費增幅。佢又話燃料費上升涉及國際因素，超出兩電可控範圍，問政府會唔會再推紓緩措施。