【Emily】教大頒榮譽院士 神奇小子蘇樺偉：好耐無獲關注 電影令人諗起我

【明報專訊】「神奇小子」蘇樺偉噚日獲香港教育大學頒授榮譽院士，佢致辭時提到，早前電影《媽媽的神奇小子》上映，加上東京奧運同殘奧嘅熱潮，令好多人諗番起佢以前喺跑道上嘅表現，佢仲好謙虛咁話，自從2016年因腰傷退役後，都好耐無得到關注。同好多退役運動員唔同，蘇樺偉退役後無做教練，先後加入咗香港傷殘人士體育協會同香港殘疾人奧委會，佢噚日就話，一直覺得自己唔係好適合做教練，亦唔會做教師，今次可以用另一個身分加入教大，所以好開心。