【Emily】審版權修例 管牧質疑「報導」改「報道」 官員指「道」較中性 《小學詞表》都咁用

【明報專訊】政府早年擬修訂《版權條例》，被網民謔稱係「網絡23條」，最終修訂唔成功，新一屆立法會再審議《2022年版權（修訂）條例草案》，相關委員會噚日完成逐條審議工作，目標喺12月7日提交立法會大會恢復二讀。對於條文嘅內容，議員都無乜大意見，不過選委會界別議員管浩鳴質疑《條例》將「報導」改為「報道」嘅原因，話見到好多電視台都用前者，而法例需要畀公眾睇，擔心大家睇唔睇得明喎！