【Emily】核酸陽有後果 歐商會：吸人才需除恐懼

【明報專訊】特首李家超下星期三公布《施政報告》，佢一早預告會有「搶企業、搶人才」嘅政策，有消息話其中一項措施，係放寬非香港永久居民置業嘅買家印花稅（BSD），容許佢哋逗留香港若干年期後，可以退番部分或全部稅款，不過有學者就認為政策最多可「留人才」，對「吸人才」無咩幫助。香港歐洲商會（EuroCham）噚日話歡迎相關所有措施，之不過，要重新吸引人才來港，香港始終需要全面開放（open fully），同埋消除佢哋考慮來港時嘅恐懼（fears）。