【Emily】港大圖書館辦展覽 窺華商歷史

【明報專訊】香港大學今年踏入111周年，大學圖書館同埋馮平山圖書館亦分別迎來110周年及90周年，今明兩年會舉辦多項慶祝活動，繼9月份舉行嘅手稿展覽，以幾代港大校友為主題介紹張愛玲、胡燕青、洛楓等作家，10月份活動就集中探索歷史，總館啱啱推出嘅《香港華商特藏》展覽，就展出多間知名商號嘅珍貴歷史資料同文檔，包括廣生行、華南印務、余仁生等。