【Emily】開心指數升 惟多咗人抑鬱

【明報專訊】有團體調查發現，本港整體開心指數有6.59分（10分滿分），較去年升0.15分，高過2018年嘅6.54分，屬近年新高。政治及社會狀况、政府施政等滿意程度亦回復至反修例運動前嘅水平，但仍喺10項影響開心指數嘅環境因素中評分最低；調查仲發現港人有抑鬱情緒症狀嘅比例按年上升，平均每兩人有一人有輕度至嚴重抑鬱症狀，話情况值得關注。