【Emily】環署聲學相機迅速搵到噪音源頭

【明報專訊】噪音惹人心煩，仲可能影響健康，環保署近年引入「便攜式聲學相機」，早前喺處理一宗投訴時迅速搵到噪音源頭，開頭以為係嚟自投訴人對面大廈嘅天台，環保署翌日再用聲學相機查探，證實噪音原來源自投訴人所住大廈嘅高層。環保署解釋聲學相機嘅原理，話相機配備過百枚咪高峰收音，憑聲波抵達時間嘅差距同強弱程度等計算聲音源頭，搵出噪音位置同強度，一般半個鐘內可以搵出噪音源頭，較傳統調查方法更有效率。