論盡教育：香港教育似扯大纜

【明報專訊】香港教育立立亂，這邊廂話流失4000教師，開學半個月仍未埋齊班，成間學校倒瀉籮蟹，十個茶煲八個蓋；那邊廂學生移民，學生走咗2萬多，搞到有啲小學小一得小貓三四隻，校長們仲話未到頂，看來唔止縮班咁簡單，可能有殺校之災。立法會議員鄧飛話要向東南亞及內地招生，填補移民潮流失的空額。王師奶記憶所及，曹啓樂先生說過培僑書院在大灣區辦港人子弟學校，又話好多香港教師去應徵。小婦人真係畀呢啲消息搞到暈陀陀，?家好似扯大纜比賽，扯來扯去都是自己人。