【明報專訊】新任美國駐港澳總領事梅儒瑞（Gregory May）到港履新後飲茶入廟周圍走，與此同時，Emily留意到美領館請緊人，入職要求透露運作詳情，例如月薪介乎2.2萬至3.4萬元嘅保安協調員，要負責監察同管理約60人合約保安隊伍，管理3個美領館辦公室同兩個住宅物業，負責超過300個美國政府人員同佢哋超過100個家人。廣告提到，份保安員合約每年價值680萬美金（約5304萬港紙）。美領館同時請緊兩個職位，一個係負責同本港警方、保安人員聯絡嘅安全調查員，另一個係負責規劃商貿活動嘅商務專員，月薪分別4.9萬同6.3萬元。
