【Emily】口罩公司CEO籲盡早撤口罩令 「口罩錢可唔賺，香港未來不可不理」

【明報專訊】新冠疫情兩年多，社會近日就防疫措施鬆綁熱議。其中一間本地口罩公司「acc+」，其行政總裁何啟賢噚日發表聲明，呼籲政府盡早取消口罩令同放寬入境檢疫安排，形容「口罩錢我哋可以唔賺，但香港嘅未來我哋唔可以唔理」。佢話公司喺疫情初物資短缺期間，推出首款台灣製嘅「零號」口罩，寓意疫情早日清零，但?家清零無望，染疫人數時起時落，普羅大眾疲憊不堪，經濟受創，反問政府點解唔亡羊補牢，嘗試同新冠病毒共存，為市民謀求更大福祉。