【Emily】新民黨首席議助黃詠儀任發展局政助

【明報專訊】政府公布問責團隊再添一員，就係噚日履新嘅發展局長政治助理黃詠儀（Winnie，圖）。38歲嘅Winnie係新民黨成員，2018年起做黨主席葉劉淑儀嘅立法會議員助理，今年晉升為新民黨首席議員助理，負責統籌、協調5個新民黨立法會議員嘅工作。連埋Winnie在內，今屆政府起用咗4個新民黨成員做政助，計埋2017年已獲委任嘅副教育局長施俊輝，成個問責團隊共有5個新民黨成員。